Само ден по потпишувањето на договорот за енергетска соработка помеѓу Србија и Русија, запечатено со продажбата на НИС (Нафтна Индистрија Србије) на Газпром, на 25 Декември се појави интересна анализа од политичкиот коментатор Андреи Федашин во англиската секција на РИА Новости. Анализата е дотолку поинтересна затоа што се споменува “even Macedonia“ како претпоставена делница на едниот од двата крака на планираниот гасовод “Јужен Поток“. Дополнително интригантно е што по домашните електронски медиуми не наидов на било какво споменување или анализа која би посочила на овој извор, или пак неговата содржина.
Да пренесам дел од статијата Serbia joins Southern Stream
The pipeline, which is planned to carry 31 billion cubic meters of Russian gas annually, will run from the Russian village of Beregovaya in the Krasnodar Region to Bulgaria and from there to Romania, Slovenia, Hungary and Austria.
Russia and Italy signed their first agreement concerning the South Stream pipeline system on June 23, 2007. The southern branch will carry Russian gas to Italy through Serbia, Montenegro, and even Macedonia.
Until recently, the most sensitive issue was how much Serbia would receive from Gazprom's Gazpromneft for 51% of its oil monopoly NIS (which controls 72% of the oil and gas market, oil processing plants and 500 gas stations in Serbia, which is 70% of the country's retail fuel market). Gazprom is buying NIS for 400 million euros and plans to invest 550 million euros in production development. Serbia wanted much more than that, but the world economic crisis has moderated its demands. Some of Serbia's expenses will be partly compensated by gas transit. Up to 10 billion cubic meters of gas were supposed to run through the Serbian section annually. Now both parties have agreed to increase the annual volume to 21.4 billion, or even to 23.1 billion cubic meters.
The Russian pipeline may even help Serbian efforts in joining the EU. Belgrade hoped to join by 2009, but the EU doesn't believe the country is ready to join yet. Still, it would be profitable for Brussels to accept a country which has a Russian gas pipeline, because Serbia would be more than just a transit territory near the EU, it would belong to it.
Она што не е спорно кај гасоводот Јужен Поток е делницата од компресорската станица Береговаја на руското крајбрежје од Црното Море до бугарската Варна, партнерството помеѓу италијанската ЕНИ и руски Газпром, како и планираниот капацитет од 31 милијарди кубни метри гас годишно. Сето останато, најповеќе трасата на гасоводот, е постојан извор на толкувања, замешателства и форсирање интереси. Во изминатите неколку години имаше дузина меморандуми за разбирање, планови, кокетирања, политички игри и навивачки новинарски статии. Сепак договорот е потпишан по долгото натегање и колебање на српската страна. Паричната тежина од 400 милиони евра и ветените 550 милиони евра инвестиции максимално се поткрепени со зборовите на Медведев, “Енергетскиот договор со Србија е историски“, како наследник на нерасфрлачката речито прецизна школа на Путин.
Иако веројатно трасата на гасоводот не е дефинитивна, политичкиот аналитичар Федашин никаде не ги споменува Хрватска, Босна и Херцеговина, Албанија, Косово и Грција како земји каде тече Јужниот Поток. Од претходните планови за проток низ Србија од 10 милијарди кубни метри гас годишно во новиот договор се говори за 21. 4 милијарди кубни метри гас годишно, или дури за 23,1 милијарди кубни метри гас годишно. Тоа претставува 69%, или во втората варијанта 74,5%, од вкупниот планиран капацитет на гасоводот, што пак значи дека обата главни крака ќе минуваат преку Србија. Ако ова не било доволно, тогаш резервоарите за складирање во Банатски Двор и веројатниот српски гасен прстен биле превагата за српските потписници да изјавуваат дека планираат нивната земја да биде енергетски лидер на Балканот. Едниот крак би продолжил преку Унгарија и Словенија до Италија и Австрија, додека другиот преку Црна Гора ќе се спушти во Јадранското Море за да изрони повторно до Италија. Каде е тука “even Macedonia“ со гасоводен капацитет од 800 милиони нормални метри кубен гас и потрошувачка од само 100 милиони кубни метри? Иако имам некаква идеја и мислење околу тоа, сепак редно е одговорот да го препуштам на надлежните и поупатените.
Tags: Русија, Србија, гасовод, јужен поток
Џаман, нема никаква логика било кој руски гасовод да проаѓа низ Македонија (значи и Албанија) наместо низ Црна Гора, разликите во руското влијание во Црна Гора во однос на Македонија И Албанија се огромни.
Кај нас цело време се зборува дека ние сме биле на некаква стратешка раскрсница, но ако се отвори атлас (доста е и физичката карта, не мора геополитичката
) јасно е дека сме слаб кандидат за транзитни коридори.
Петар К, фала за коментарот .. има логика тоа што го кажуваш, и географска и политичка .. се разбира дека не знаеме што точно имало на масата кога се преговарало и договарало меѓу Србија и Русија .. но тоа не пречи малку да истражуваме и шпекулираме ..
.. но еве малку нафрлање .. гасоводите се дел политика и географија и дел економија .. она што политичкиот аналитичар, а го потврдува и српската страна, е дека количеството гас што треба да минува низ Србија е зголемено за повеќе од 100% од претходните планови .. зборот “even“ го има и може да се врзе логички кај Македонија со разликата од 23,1 - 21,4 милијарди кубни метри гас годишно .. или 1,7 мкм .. дали тоа има некаква реална основа, не знам .. но веќе има гасовод од Бугарија до Македонија кој не е искористен во потполност .. да, сега со ТЕТО во Скопје ќе се зголеми искористеноста ама сепак има добра луфта .. можеби планот е да се пушти цевка од Скопје до Ниш и веќе постоечкиот гасовод технички да се надгради за споменатиот капацитет од 1,7 мкм гас .. шпекулирам .. а можеби ќе се продолжи кракот кон Грција, пак шпекулирам ..
.. а сигурно е дека нема да има два гасовода положени во Јадранот .. ако е Црна Гора по дифолт отпаѓаат Хрватска, Албанија, па дури би рекол и Грција .. гасот на кој сметаат и Набуко и Јужниот Поток во голем дел е од Туркменистан .. се чини дека сега за сега русите се во поизгледни шанси за гасоводна реализација .. но ќе видиме