Уште една тажна приказна од нашето секојдневие. Просторот за жалопјки ионака е стеснет до беспредметност, така да дозволете си го накратко, само за момент.
Приказната со Екопаркот, никулецот надеж во изведба на дечките и девојките од Зелената Арка, не треба да обесхрабрува, ниту да остане фортуна за ретките благородни иницијативи. Приказната за Екопаркот во Карпош 4 нека биде прстот што покажува кон нечии глупави постапки. Разрушениот Екопарк нека биде прстот што опоменува за тоа кои сме и до каде сме. Но оваа тажна приказна мора да биде и прстот потпрен на нашите глави за поука и промисла околу начините, заштитата и реализацијата на идните благородни иницијативи.
