Џаман ZTVK

За време на човековиот развој, тестисите (јајцата) кај мажот се поместуваат надвор од торзото се со цел да се овозможи нивна поголема големина, т.е. производство на повеќе сперматозоиди. Со тоа се покажува историјата на изразената сексуална конкуренција кај човековиот вид, иако и многу други цицачи ја имаат оваа адаптација. Може да проследите и еден поранешен запис со блиска тематика.

Специфичниот главчест облик на врвот од машкиот пенис овозможува отстранување и исфрлање на спермата од претходениот сексуален партнер за време на односот. И други цицачи ја имаат оваа адаптација. Функцијата е далеку подобрена со практиката на отсекување на кожичето, или сунет. Што значи последниот маж кој има секс со жена е оној кој најверојатно ќе ги продолжи сопствените гени. Обрежаниот маж е со далеку поголема веројатност на ширење на сопствените гени наспроти оние кои не се. Секако, при ова не е земен во предвид културниот модел на заедниците и општествата во наметнувањето на сексуалното однесување. Но со широкото навлегување и прифаќање на сексуалните слободи зачинети со хедонизмот како императив во културолошкиот модел на однесување, не е на одмет напоменувањето на овие карактеристики. Имајте на ум дека зборувам повеќе биолошко историски, како и симболично.

Па потоа, обликот на женската брадавица на дојката не е добро приспособен за доење на младенчињата. Но затоа, обликот на женските гради кои нараснуваат во периодот на адолесценција се прилично добро адаптирани како сексуален сигнал.

Човекот нема крзно. Или поинаку кажано, луѓето имаат загубено голем дел од влакнестото тело. Со тоа човекот има осетлива кожа, која е сензибилна на допир. Губење на крзно, исто така, овозможува кај луѓето полесно да се види протокот на крв под кожата, или руменилото, вцрвувањето.  Црвенилото не претставува само непријатност или знак на агресија, туку исто така и сексуален сигнал. Покрај тоа што еволутивно е изгубен голем дел од нашето телесно крзно, интересно, зачувани се грмушките на срамните места.

Има три типа на човечки сперматозоиди: јајце-оплодувачи, блокирачи и убијци. Бројноста на сперматозоидите блокирачи и убијци  далеку ја надминуваат бројноста на сперматозоидите јајце-оплодувачи. Тоа укажува на долгата историја на жестока конкуренција кај човековата сексуалност. Да го напоменеме и она што е општо познато, дека, луѓето поминуваат многу подолго време при вршење на сексуалните односи отколку повеќето други цицачи, и го парават тоа постојано и кога повеќе не е во игра потомството.

Дали сте сигурни дека вашиот татко е навистина вашиот биолошки татко? Општо кажано, до пред некоја декада, за еден од дваесет, нашиот татко не беше оној кој сметавме дека е, иако секој еден од нас смета дека е меѓу безбедните 19. Денес тоа оди до таму што една скорешна германска студија кажува дека односот е 1 од 3, па уплавот од резултатите ги натерал нарачителите да ги напуштат истражувањата од овој тип.

Ако порно терабајтите ги надминуваат збирно спиритуалните и политичките гигабајти, со уште неколку додадени тематски единици, повеќе од захтевно е вниманието на овој блог повремено да биде насочено кон сексуалноста и сексот во објаснувањето на човековото поведение и суштина. Токму величината и развојот на порно индустријата ми дава за право прашањето за заробениот еволутивен развој на човекот да биде тука на тапет.

За објективниот истражувач ништо лично, но веројатно ќе се сложите дека од комплексот на преплетени области со кои се објаснува човековата природа, факторот сексуалност штрчи во историското занемарување. Воопштено кажано, виновници се табуата кои преку строгите забрани ги поставува стожерите на кои се гради деликатната култура на општествената заедница. И веднаш да кажам дека не сум априори застапник за олабавување, или пак рушење, на табуата, без точно да се разбере што всушност се разградува, и од тоа добиените последици. Многу слично, како неолибералниот капитализам што го ослободи планетарниот простор за негово пенетрирање и оплодување за истовремено да ги ослободи вработените од работните места, пензионерите од пензии, родителите од квалитетно време со децата. Затоа, воопшто не зачудува враќањето на конзерватизмот на голема врата, особено на религиозноста и религијата како општествен суперорганизам, на која и предвидувам блескава иднина.

И доста беше со предигра и игра, одиме кон завршната записна ејакулација.

Залудна ќе е намерата да испровоцира, можеби да ги поремети и измести, кај бланкото да исполни, одредени ставови и перцепции за нас самите, кога наспроти неа набреканало вулгарното мислење во форма на изреката “еби или ќе те ебат.“ Многу поточна формулација со еволутивна нитка би била “еби или изумри.“ Во таа смисла на “работата е ебана“, застапниците на духовна трансформација, општествено подигање на свеста или лична преобразба на животниот стил во согласност со етичките принципи се во инфериорна сексуална положба. Еволутивната биолошка логика упатува на општествената реалност налик на сперматозоидна војна каде 90% од сперматозоидите се или блокирачи или убијци.

Првите, оние веќе предадените, со поглед кон минатите им сексуални успеси, ќе извикаат “работата е сјебана“ со што во старт се самопотврдуваат како воајери или сексуално непродуктивни старци каде ни вијаграта не помага во продукцијата на семенски материјал. Друга група на сексуалните лузери, и денес најбројна, се корисниците на кондоми. Во општественото миље нејзин карактеристичен претставник би била интелектуалата. Чистунци со навлечени ментални кондоми, кои дефинитивно имаат сексуален апетит, но сакаат актот да го прават без нималку да го извалкаат комодитетот меѓу две туширања, со млади незаинтересирани жени кои за време на сексот во едната рака имаат мобилен, а во другата тест за бременост, за секој случај работата да не отиде предалеку. Семенскиот материјал фино спакуван на крајот завршува на Дрисла или преку заситениот со органски материи Вардар да заврши како храна за алгите во Белото Море. И, третата јалова група се дркаџиите. Кај нив е очигледно немањето на сексуална партнерка и нејзината замена со широка лепеза на фетиши. Најверојатно некое општествено или културно отфрлање од минатото ја убило таа малку самодоверба и храброст во приоѓањето и барањето реална жива партнерка, па полето за општествено, или сексуално, докажување редовно се помага со визуелно-стимулативни фетишни стимулации на потрошувачкото друштво за секоја вечер јалово да се исцеди напнатоста токму на лесно пристапните визуелно-стимулативни фетиши.

Во тековната општествена оргија со животите и судбините на луѓето глупаво е да се бара наеднаш да се поврати изгубениот баланс на содржајниот и исплонет живот. Во битките на општествените сперми важно е оние со чесни и доблесни намери да осознаат дека во општествената матка веќе се наоѓа мутантната сперма. Тоа изискува составот на нивната сперма биолошки да содржи сперматозоиди блокирачи и убијци, не само фини јајце-оплодувачки носители на ДНК за кои сите сакаат да зборуваат. При тоа неспорна е потребата од здрава сексуална желба и имагинација, исто како и тајмингот, со чисти намери без кожичка на главата и волуменски силен млаз на здрава сперма за исфрлање на конкурентните сперми.